බුද්ධිමත් කණ්ඩායම්වලට මානසික රෝග වැලඳීමේ වැඩි අවදානමක්.
දේශපාලනඥයන්, කලාකරුවන්, විද්‍යාඥයන් මෙන්ම, සමාජයේ සිටින බුද්ධිමත් කණ්ඩායම්වලට මානසික රෝග වැලඳීමේ වැඩි අවදානමක් ඇතැයි විශේෂඥ වෛද්‍ය සමන් වීරවර්ධන මහතා කියයි.
බුද්ධිමතුන් දවස පුරාම
ආතතියෙන් වැඩ කිරීම එයට හේතු වන බව පෙන්වා දෙන වීරවර්ධන මහතා ලංක‍ාවේ ජනගහනයෙන් ලක්ෂ 2 කට උග්‍ර මානසික රෝගත් ලක්ෂ 20 කට සුළු මානසික රෝගත් ඇති බවත් ඒ සෑම පස් දෙනකුගෙන් සිවු දෙනෙක් ම ප්‍රතිකාර සඳහා යොමු නොවීම බරපතළ කරුණක් බවත් කියයි. 12 දාට යෙදෙන යොවුන් දිනය නිමිත්තෙන් සෞඛ්‍ය අධ්‍යාපන කාර්යාංශය සංවිධානය කළ සම්මන්ත්‍රණයකදී මේ කරුණු පෙන්වා දෙනු ලැබිණි.
දුර්වල මානසිකත්වයක් ඇති පුද්ගලයන් දිවි නසා ගැනීම කෙරෙහි යොමු කැරෙන ආකාරයට මාධ්‍ය මගින් ලබාදෙන පුළුල් ප්‍රචාරය නිසා මාධ්‍ය ආචාර ධර්ම කඩවීමක් ද සිදුවන බව මෙහිදී ප්‍රජා වෛද්‍ය විශේෂඥ මනෝජ් ප්‍රනාන්දු මහතා පෙන්වා දුන්නේය.
සුළු කරුණු හේතුවෙන් ඇතමුන් සිය දිවි හානි කර ගැනීමට පෙලඹෙන බවත් එය සිදුවූ ආකාරය වාර්තා කිරීමේදී මාධ්‍යවේදීන් වඩාත් සැලකිලිමත් විය යුතු බවත් කීය.
- සිළුමිණ -
No comments