ශ්‍රී ලංකා දෘෂ්‍යාබාධිත ක්‍රිකට් කණ්ඩායමට ලෝක කුසලානයේදී දැවැන්ත ජයක් (Video & Photos)

ශ්‍රී ලංකා දෘෂ්‍යාබාධිත ක්‍රිකට් කණ්ඩායම මෙවර ලෝක කුසලාන ක්‍රිකට් තරගාවලියේදී ජයග්‍රාහී ආරම්භයක් ලබා ගැනීමට සමත් විය.

ඔවුන් අද මූලික වටයේ පළමු තරගයට සහභාගී වූයේ නවසීලන්තයට එරෙහිවය.

ශ්‍රී ලංකා කණ්ඩායම පළමුවෙන් පන්දුවට පහරදෙමින් නියමිත පන්දුවාර 20 තුළ කිසිවෙකු නොදැවී ලකුණු 334 ක් රැස්කිරීමට සමත්විය.

මෙහිදී ආරම්භක පිතිකරු රුවන් වසන්න නෙැදවී ලකුණු 170 ක් රැස්කලේ හතරේ පහර 25 ක් සමගිනි, අනෙක් ආරම්භක පිතිකරු වූ සුරංග සම්පත් නොදැවී ලකුණු 146 ක් රැස් කිරිමට සමත්විය. ඔහු හතරේ පහර 30 ක් සමගින් එම ලකුණු සංඛ්‍යාව රැස්කිරීම විශේෂත්වයක් වේ.

පිළිතුරු ඉනිමට පිටියට පිවිසි නවසීලන්ත දෘෂ්‍යාබාධිත කණ්ඩායම නියමිත පන්දුවාර 20 තුළ කඩුලු 7 ක් දැවී රැස්කලේ ලකුණු 120 ක් පමණි.

එහිදී දුවද්දී දැවී යාම් 5 ක් වාර්තා වීම කැපී පෙණින.

අනෙක් කඩුලු දෙක දවා ගත්තේ, දිනේෂ් හේරත් හා පැතුම් සමන් කුමාරයි.

තරග සාරාංශය 

ලකුණු 214 කින් ජය වාර්තා කල ශ්‍රී ලංකා කණ්ඩායම හෙට බටහිර ඉන්දිය කොදෙව් කණ්ඩායමට එරෙහිව ක්‍රීඩා කිරීමට නියමිතය.

ඊට අමතරව ඔවුන් මූලික වටයේදී පකිස්ථානයට එරෙහිව අනිද්දා (02) ක්‍රීඩා කරන අතර එංගලන්යට එරෙහිව ලබන 3 වැනි දා ක්‍රීඩා කරනු ඇත.

ශ්‍රී ලංකා කණ්ඩායම සහභාගීවන මූලික වටයේ අනෙක් තරග

(Full Schedule)

බටහිර ඉන්දිය කොදෙව් කණ්ඩායමට එරෙහිව – 01/02/2017

පකිස්තානයට එරෙහිව – 02/02/2017

එංගලන්තයට එරෙහිව – 03/02/2017

ඉන්දියාවට එරෙහිව – 04/02/2017

නේපාලයට එරෙහිව – 05/02/2017

ඔස්ට්‍රේලියාවට එරෙහිව – 06/02/2017

බංග්ලාදේශයට එරෙහිව – 08/02/2017

පන්දුවාර 20/20 තරගාවලියක් ලෙස දෙවැනි වරට පැවැත්වෙන ලෝක කුසලාන දෘෂ්‍යාබාධිත ක්‍රිකට් තරගාවලිය ඉන්දියාවේ දිල්ලි හී දී පැවැත්වේ.

.

ශ්‍රී ලංකාවෙන් ලෝක වාර්තාවක් ... ශ්‍රී ලංකා දෘෂ්‍යාබාධිත ක්‍රිකට් කණ්ඩායමට ලෝක කුසලානයේදී දැවැන්ත ජයක්... කණ්ඩායම් නායක හා තරගයේ වීරයා අදහස් පළකරයි. තරග වාර්තාව : http://newsfirst.lk/sinhala/2017/01/93859/ #BlindWorldCup #SriLanka #LKA
Posted by Sports 1st on Tuesday, January 31, 2017